Add Article

Article Title

Article Text 1

યુએસની કારોલિન્સ્કા ઇન્સ્ટિટયુટ અને કોલંબિયા યુનિવર્સિટીના વિજ્ઞાનીઓ  દ્વારા એક મોટી શોધ કરવામાં આવી છે કે હૃદયનું તેનું આગવું ચેતાતંત્ર છે જે હૃદયના ધબકારાંને નિયંત્રિત કરવામાં મહત્વની ભૂમિકા ભજવે છે. વિજ્ઞાનીઓએ આ નવી શોધને મીની બ્રેઇન તરીકે ઓળખાવી છે. નેચર કમ્યુનિકેશન્સ સામયિકમાં પ્રકાશિત આ અભ્યાસને પગલે હૃદય વિશેની લાંબા સમયથી કેળવાયેલી સમજ સામે પડકાર ઉભો થયો છે.

પરંપરાગત રીતે એમ સમજવામાં આવતું હતું કે હૃદયની કોશિકાઓનું નેટવર્ક એક સરળ રિલે સિસ્ટમ છે જેનું કામ મગજમાંથી આવતાં સંદેશાઓ હૃદયને પહોંચાડવાનું છે. જો કે, હવે સંશોધકોએ શોધી કાઢ્યું છે કે હૃદયની દિવાલમાં ન્યુરોનનું એક સંકુલ નેટવર્ક આવેલું હોય છે જે હૃદયના ધબકારાંનું નિયમન કરવામાં મહત્વની ભૂમિકા ભજવે છે.

કારોલિન્સ્કા ઇન્સ્ટિટયુટના મુખ્ય સંશોધક કોન્સ્ટન્ટિનોસ એમપત્ઝીસે જણાવ્યું હતું કે જેમ શ્વાસને નિયંત્રિત કરવામાં મગજની ભૂમિકા મહત્વની છે તેવી જ રીતે હૃદયના ધબકારાંને નિયંત્રિત કરવામાં આ લીટલ બ્રેઇન ચાવીરૂપ ભૂમિકા ભજવે છે. આ આંતરિક ચેતાતંત્રની સંકુલતા વિશે આશ્ચર્ય વ્યકત કરતાં એમપત્ઝીસે જણાવ્યું હતું કે  તેને સમજવાથી હૃદયરોગોની બહેતર સારવાર વિકસાવવામાં સહાય મળશે.સંશોધકોની ટીમે ઝેબ્રાફિશનો ઉપયોગ તેમના સંશોધન માટે  કર્યો હતો. આ માછલીનું મગજ માનવમગજ સાથે સામ્ય ધરાવતું હોઇ તે આ પ્રકારના સંશૅોધનો માટે આદર્શ મોડેલ ગણાય છે.

Add Article

Article Title

Article Text 1

Article Text 2

Article Text 3

Article Type

Article Language

Display on Section

State

Area

Article Tags

Article Image Url 1

Article Image Url 2

Article Image Url 3

Video Url

Article Location

Article Keywords